En mia infaneco mi havis kelkajn birdojn en mia hejmo. Ekzemple kanario, bengala fringo, flavbeka dikbekulo, Java pasero kaj du flava kaj helverda melopsitakoj. Je la komenco mi fervore zorgis ilin ĉiu matene. Mi ŝanĝis akvon, manĝaĵon, legomajn foliojn kaj paperon, kiu estas metita sur planko de la kaĝo. Sed mi tuj ekmaldiligentiĝis kaj mia avo devis zorgi ilin anstataŭ mi. Tiam mi ne sciis, ke melopsitakoj havas tiajn bonegajn kapablojn.

S-ino H prezentis pri melopsitakoj legante la artikolon titolitan " Pri aŭstralia birdo, la melopsitako" en la uea.facila lasta semajne. Tiu birdo jam vivis en Aŭstralio antaŭ du milionoj da jaroj! Kaj ĝi povas percepti pluvon 100 kilometrojn for kaj povas flugi 500 kilometrojn en unu tago! Kiajn nekredeblajn belegajn kapablojn ĝi havas!

Nun mi volas pardonpeti al ili, ke mi enfermis ilin en maldikan kaĝon kaj mi ne prizorgis ilin bone. S-ro N trovis jutuban filmeton, en kiu melopsitako nomata Disko imite parolas multajn frazojn en la angla kaj eĉ en la japana " Doomo arigatoo". La verkinto de la artikolo, Franciska Toubale, skribas, ke Disko ricevis pli ol 18 milionojn da rigardoj en Jutubo en 2019. Bonege! (N 6.19)

https://www.youtube.com/watch?v=WYcWA_RNl1s